सामाजिक सञ्जाल टिकटकमाथि प्रतिबन्ध लगाउने सरकारको निर्णयविरुद्ध सर्वोच्च अदालतमा परेको रिटमा आजदेखि पूर्ण सुनुवाइ हुँदैछ । सर्वोच्चले १४ रिटको एकसाथ प्रारम्भिक सुनुवाइ गर्दै सरकारका नाममा कारण देखाऊ आदेश जारी गर्दै आज पूर्ण सुनुवाइ हुन लागेको हो । 

न्यायाधीश विनोद शर्माको इजलासले ५ मंसिरमा कारण देखाऊ आदेश जारी गर्दै १५ मंसिरभित्र टिकटक बन्द गर्नुको कारणसहितको लिखित जवाफ पेस गर्न आदेश गरेको थियो ।

एकल इजलासले निवेदकहरूले माग गरेबमोजिम अन्तरिम आदेश जारी गर्न अस्वीकार गरेको ‍हो । गत २७ कात्तिकमा बसेको मन्त्रिपरिषद्को बैठकले टिकटकमाथि प्रतिबन्ध लगाउने निर्णय गरेको थियो ।

उक्त निर्णयविरुद्ध सर्वोच्चमा १४ रिट परेका थिए ।