जुम्लाका १० गाउँ छाउगोठमुक्त
फरक धार  |  असोज २४, २०७५

जुम्ला– जुम्लाका सात गाउँपालिका र एक नगरपालिकाका १० गाउँ छाउगोठमुक्त गरिएका छन् । तातोपानी गाउँपालिका–५ को लाम्रा गाउँलाई मंगलबार १०औँ गाउँका रूपमा छाउगोठमुक्त घोषणा गरिएपछि १० गाउँ पुगेका हुन् । 

सो गाउँपालिकाको श्रीनगर, हियाखोला र जैतपुरका बस्तीलाई छाउगोठमुक्त घोषणा भइसकेका छन् । तिला गाउँपालिकाको ढिमकोट, जोगीवाडा, रावतवाडा र पातारासी गाउँपालिका–५ वडा माथिल्होर्प र तलिल्होर्प गाउँ पहिला नै छाउगोठमुक्त घोषणा गरिएका थिए ।
 
तातोपानी गाउँपालिका उपाध्यक्ष गंगादेवी उपाध्याकाअनुसार अहिले महिलामा केही सचेतनाको विकास भएको छ । महिलाको सुरक्षालगायतका विषयमा विशेष सहयोग गर्ने श्रीमान् तथा परिवारलाई स्थानीय तहले सम्मानका कार्यक्रम ल्याउने तातोपानी–५ का वडाध्यक्ष हरिबहादुर डाँगीले बताए । 
 



यो पनि नछुटाउनुहोस्