मकवानपुर क्षेत्र नम्बर १ मा राप्रपाका उम्मेदवार दीपकबहादुर सिंहले मतान्तर घटाएका छन् । बुधबार बेलुकासम्म भएको मतगणनामा पछि रहेका उनी आज बिहान भने कडा प्रतिस्पर्धामा उत्रिएका हुन् । 

निर्वाचन अधिकृतको कार्यालय मकवानपुरले दिएको पछिल्लो मतगणना अनुसार सुरुवाती अवस्थादेखि नै अग्रमा रहेकी महालक्ष्मी उपाध्याय (डिना) ले २२ हजार ५ सय ७३ मत ल्याएकी छन् । 

दोस्रोमा नेकपा एमालेका उम्मेदवार कमल थापाले डीनालाई पछ्याइरहेका छन् । उनले हालसम्म २१ हजार ४ सय ७२ मत ल्याएका छन् । डीना र थापाको १ हजार १ सय १ को मतान्तर छ । 

त्यस्तै, दोस्रोमा रहेका थापा र तेस्रोमा रहँदै तीव्र गतिमा पछ्याइरहेका सिंहको ३ सय ५ को मात्रै मतान्तर छ । हालसम्म उनले २१ हजार १ सय ६१ मत प्राप्त गरेका छन् । अब हेटौंडाको ४ वटा वडाहरुको गणना हुन बाँकी रहँदा लगभग १२ हजार मतगणना हुन बाँकी छ । 

गत स्थानीय तहमा हेटौंडाको मेयर पदमा लगभग २० हजार मत ल्याएका उनलाई अहिले हेटौंडाकै मतले मतान्तर पुर्न सहयोग गरिरहेको छ । मतगणना जारी छ ।