मधेस प्रदेश सरकारले सोमबार सार्वजनिक बिदा दिएको छ । सीताराम विवाह पञ्चमी महामहोत्सवको अवसरमा सार्वजनिक बिदा दिइएको हो । 

मधेस प्रदेशका मुख्यमन्त्री लालबाबु राउतले आज शुभकामना सन्देश जारी गर्दै विवाह पञ्चमीको अवसरमा प्रदेशभर सार्वजनिक बिदा घोषणा गरेका हुन् । 

सीताराम विवाह पञ्चमीको सोमबार मुख्य दिन रहेकाले प्रदेश सरकारले विगत वर्ष जस्तै बिदा दिएको हो । जनकपुरधामको निजी तथा सामुदायिक विद्यालयमा आजदेखि तीन दिनका लागि बिदा दिइएको छ । 

सीताराम विवाह पञ्चमी महामहोत्सवमा आउने तीर्थयात्रीहरूको बासको तथा भीडलाई ध्यानमा राखेर विद्यालयहरूमा सार्वजनिक बिदा दिइएको हो । 

दुई दिनदेखि नेपाल तथा भारतका विभिन्न भूभागबाट तीर्थयात्री जनकपुरधाम आउने क्रम जारी छ ।