उदयपुर क्षेत्र नं. १ मा रोकिएको मतगणना कार्य सुरु भएको छ । १० मतदान केन्द्रका १०० मतपत्र बदर गरेर मतगणना सुरु गरिएको हो ।

बदर भएका मतपत्र उदयपुर क्षेत्र नम्बर १ को प्रदेशसभा (ख) अन्तर्गतका हुन् । प्रदेश सभा (ख) तर्फका १०० वटा मतपत्र दोहोरो परेकाले ती मतपत्र बदर गर्ने निर्णय भएको मुख्य निर्वाचन अधिकृत कृष्णप्रसाद सुवेदीले जानकारी दिए । 

उनका अनुसार १० मंसिरको मतगणनाको क्रममा खोलिएका जनता मावि, श्रीपुर (क), जनता मावि, देउरी (क), जनता मावि, देउरी (ख), जनता मावि, देउरी (ग), अम्वेवर मावि, राजावास (क), बालमन्दिर मावि, बोक्से (ख), मावि चिलाउने (ख)समेत १० वटा मतदान केन्द्रहरूको मतपेटिका खोली मिसाइएका मतपत्र बदर हुनेछन् ।