बाजुरामा पछिल्लो समय मतगणनामा विवाद देखिएको छ । यो विवाद अहिलेसम्म कायम छ । त्यहाँ दुई ठाउँका मतपेटिकामा मुचुल्काभन्दा बढी मत देखिएकाले विवाद भएको हो ।

प्रतिनिधि सभाको गणना गर्दा हिमाली गाउँपालिकाको एक मतदान केन्द्रमा मुचुल्काभन्दा ४० मत बढी पाइएको थियो । त्यस्तै, प्रदेश सभामा बुढीगंगा नगरपालिकाको एक मतदान केन्द्रमा ९८ मत मुचुल्काभन्दा बढी पाइएको छ ।

हिमाली गाउँपालिका कांग्रेसको बाहुल्यता भएको क्षेत्र हो भने बुढीगंगा एमालेको बाहुल्यता भएको क्षेत्र हो ।

त्यहाँको प्रशासनले विवाद समाधान गरेर आफूहरु मत गणना गर्ने वातावरण बनाउन लागिरहेको बताएको छ ।