अपांगमैत्री गीत ‘आऊ साथी’ सार्वजनिक, मह जोडीदेखि अस्मितासम्मको स्वर (भिडियो)

अपांगता भएका व्यक्तिहरुको ३१औं अन्र्तराष्ट्रिय दिवसको अवसर पारेर यही विषयवरिपरि रही निर्माण गरिएको ‘आऊ साथी’ बोलको गीतको म्युजिक भिडियो सार्वजनिक भएको छ । 

‘समावेशी विकासका लागि रुपान्तरित समाधान, पहुँचयुक्त र समतामुलक विश्वका लागि ऊर्जावान् सिर्जनशीलताको प्रावधान’भन्ने मूल नारालाई आत्मसात् गर्दै चेतनामुलक गीत ‘आऊ साथी’ निर्माण गरिएको निर्माण कम्पनी साउण्ड मिलले जनाएको छ ।  

शक्ति बल्लभको संगीत रहेको गीतमा मदनकृष्ण श्रेष्ठ, हरिवंश आचार्य, रामकृष्ण ढकाल, अन्जु पन्त, बुनु श्रेष्ठ, शिव परियार, पुष्पन प्रधान र अस्मिता अधिकारीले स्वर दिएका छन् । 

यस गीतले समस्त अपांगता भएका अर्थात् विशेष क्षमता भएका व्यक्तिहरूलाई समेट्ने प्रयास गरेको छ । 
विगत लामो समयदेखि सामाजिक रुपान्तरणका निमित्त गीत–संगीतको माध्यमबाट योगदान पुर्याउँदै आएको स्टुडियो साउण्ड मिल र समाजसेवी एवं गीतकार नरेश प्रधानको सहकार्यमा म्युजिक भिडियोको निर्माण भएको हो । 

नीरज श्रेष्ठको संगीत संयोजन रहेको यस गीतलाई महेश्वरमान राजभण्डारीले मिक्सिङ तथा मास्टरिङ गरेका हुन् । भिडियो विमललाल श्रेष्ठको परिकल्पनामा निर्माण भएको हो । 

भिडियोमा उषा रजक, रश्मी भट्ट, रक्षा थापा, सुन्दर धिताल, आइपी आचार्य, प्रकाश सुवेदी, प्रिन्स प्रसिद सिंह थापा, देव कुमार श्रेष्ठ, सविना थापा, विकास रिमाललगायत कलाकारको अभिनय छ । 



नारन खतिवडा र अनिरुद्ध आत्रेयको कथा समावेश गरिएको भिडियोलाई शरद महतोले छायांकन गरेका हुन् ।



  • प्रकाशित मिति : मंसिर १७, २०७९ शनिबार २१:७:२५

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया