प्रदेश लोक सेवा आयोग विराटनगरले ठूलो संख्यामा कर्मचारी माग गरेको छ । आयोगले स्थानीय तहका लागि प्राविधिक पदमा ३१५ जना कर्मचारीको माग गरेको हो । 

स्थानीय सरकारी सेवाका विभिन्न सेवा समूहका प्राविधिकतर्फका पदहरूमा खुला तथा समावेशी प्रतियोगितात्मक लिखित परीक्षाका लागि आवेदन आह्वान गरिएको छ ।

योग्यता पुगेका उमेदवारले १० पुससम्म दरखास्त दिनसक्ने आयोगले आज सार्वजनिक सूचना जारी गर्दै जनाएको छ । अनलाइनमार्फत पनि दरखास्त दिन सकिने आयोगले जनाएको छ ।