अफगानिस्तानको उत्तरी भागमा पर्ने बाल्ख प्रान्तको राजधानी मजार–ए–शरीफमा सरकारी कर्मचारी चढेको एक बसमा विस्फोट हुँदा सात कर्मचारीको मृत्यु भएको छ । त्यस्तै, विस्फोटमा ६ जना घाइते भएका छन् । 

प्रान्तीय प्रहरी प्रवक्ता मोहम्मद आसिफ वाजिरीका अनुसार मंगलबार सीमावर्ती सहर हिरातनको पेट्रोलियम निर्देशनालयका कर्मचारी चढेको बसले सडक किनारमा राखिएको बम कुल्चँदा उक्त हाताहाती भएको हो ।

यसैबीच, नाम उल्लेख गर्न नचाहने एकजना प्रत्यक्षदर्शीले मृतकको संख्या पुष्टि गरिएको भन्दा बढी हुन सक्ने बताएका छन् । विस्फोटको जिम्मेवारी कुनै समूह वा व्यक्तिले लिएको छैन ।