झारफुककाे बहानामा बलात्कार गर्ने एक धामी पक्राउ परेका छन् ।कपिलवस्तुकाे वाणगंगा नगरपालिका १० मेचकुरीका २७ वर्षीय पप्पु हरिजन जबरजस्ती करणीकाे आराेपमा पक्राउ परेका हुन् ।
झारफुककाे बहानामा एक महिलालाई बलात्कार गरेर फरार रहेका हरिजनलाई प्रहरीले मंसिर २७ गते पक्राउ गरेको हो । मंसिर २० गते २७ वर्षीया एक युवतीलाई झारफुक गर्ने निहुँमा उनले बलात्कार गरेका थिए ।
बिरामी रहेकी ती युवतीलाई हरिजनले रातको समयमा झारफुक गरे ठिक हुने भन्दै जबरजस्ती करणी गरेको पीडित युवतीले बताएकी छन् । पीडित युवतीको जाहेरीपछि उनी पक्राउ परेका हुन् ।
हरिजनले यसअघि पनि यस्ता आपराधिक कार्य गरेको हुन सक्ने सूचनाका आधारमा उनीमाथि थप अनुसन्धान भइरहेको प्रहरीले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।