धनुषाको मिथिला नगरपालिका–५ का स्वर्गीय ओमप्रकाश महतो ‘दिलीप’को परिवारका लागि न्याय माग्दै युवाहरुले धनुषा जिल्ला अदालत अगाडि शान्तिपूर्ण विरोध प्रदर्शन गरेका छन् । 

विभिन्न विद्यार्थी र युवा संगठन मिलेर निर्माण गरिएको युथ एसोसिएसन अफ नेपाल (यान) आबद्ध युवाहरुले विरोध प्रदर्शन गरेका हुन् । 

उनीहरुले ओमप्रकाशलाई पर्यावरण सहिद घोषण गर्नुपर्ने र मुद्दाको छिनोफानो अविलम्ब गर्नुपर्ने दुईबुँदे माग गरेका छन् । 

दिलीपको ०७६ पुस २५ गते हत्या गरिएको थियो । उनको मुद्दामा जिल्ला अदालत धनुषामा अझै सुनुवाइ हुन सकेको छैन । पटक–पटक पेसी सर्दै आएको छ ।