नेपाल लिटरचेर फेस्टिभलको दशौं संस्करण यही पुस ६ देखि ११ सम्म पोखरामा हुने भएको छ । शनिबार आयोजक संस्था बुकवर्म फाउन्डेसनले बाराहीघाट, लेकसाइडमा फेस्टिभल आयोजना हुने जानकारी दिएको हो । 

गण्डकी प्रज्ञाप्रतिष्ठानको सहआयोजना एवं पोखरा महानगरपालिकाको प्रवद्र्धनमा हुने फेस्टिभलमा सहयोगी संस्थाका रुपमा पोखरा प्रज्ञाप्रतिष्ठान रहेको छ ।
 
फेस्टिभलमा देशविदेशका करिब दुई सय साहित्यकार, राजनीतिज्ञ, लेखक, पत्रकार, कलाकार, सम्पादक एवं विशिष्ट व्यक्तित्वको उपस्थिति रहनेछ ।