नेपाली कांग्रेसको संसदीय दलको नेतामा प्रधानमन्त्री एवं पार्टी सभापति शेरबहादुर देउवा विजयी भएका छन् । ६४ मत प्राप्त गर्दै उनी विजयी भएका हुन् । देउवासँग प्रतिस्पर्धा गरेका महामन्त्री गगनकुमार थापाले भने जम्मा २५ मत मात्र प्राप्त गरेका छन् । 

निर्वाचनमा कांग्रेसका नवनिर्वाचिन ८९ सांसदले मतदान गरेका थिए । जसमा देउवा अर्थात् संस्थापन समूहका ५९ तथा गगन - शेखर समूहका ३१ सांसद सहभागी थिए ।

नतिजाअनुसार भने  थापाले आफ्नै समूहका सांसदहरूको समेत मत नपाएको देखिएको छ । कांग्रेसमा पुस्तान्तरण हुने र नेतृत्व अब आफूले गर्ने भन्दै चुनावमा प्रतिस्पर्धा गरेका थापा समूहकै केही सांसदहरुले भने देउवालाई समर्थन गरेको देखिन्छ ।