सूचीकृत नभएको ‘मधेशी भाषा’मा शपथ गराएको भन्दै संघीय संसद सचिवालयलाई मधेशी आयोगले स्पष्टीकरण सोधेको छ ।आयोगले प्रतिनिधिसभाका सदस्य चन्द्रकान्त राउतसहित केही प्रतिनिधिसभा सदस्यहरुलाई बिहीबार मधेशी आयोगमा सूचीकृत नभएको मधेशी भाषामा शपथ गराएको भन्दै सचिवालयलाई स्पष्टीकरण सोधेको हो ।

केही प्रतिनिधिसभा सदस्यहरुले मधेशी भाषामा शपथ लिएको विषयमा उजुरी परेको र त्यसमा आफ्नो ध्यानाकर्षण भएको आयोगले जनाएको  छ । आयोगलाई संघीय संसदको सचिवालयले कुन आधारमा मधेशी भाषामा सपथ लिन मान्यता दिएको भनी स्पष्ट हुने गरी जानकारी गराउन निर्देशन दिइएको छ ।