मंगलबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९ सय रुपैयाँले बढेको हो ।

योसँगै आज छापावाल सुन प्रतितोला १ लाख २ हजार ६ सय रुपैयाँ र तेजाबी सुन प्रतितोला १ लाख २१ सय रुपैयाँमा कारोबार भइरहेको छ । यो मूल्य यस वर्षकै उच्च हो ।

यसअघि गत ५ वैशाखमा छापावाल​ सुन प्रतितोला १ लाख २५ सय रुपैयाँमा कारोबार भएको थियो । सोमबार छापावाल सुन प्रतितोला १ लाख १ हजार ७ सय र तेजाबी सुन प्रतितोला १ लाख १ हजार २ सय रुपैयाँमा कारोबार भएको थियो ।

मंगलबार चाँदीको मूल्य पनि बढेको छ । आज चाँदी प्रतितोला १० रुपैयाँले बढेर १४ सय १० रुपैयाँ पुगेको छ । मंगलबार अन्तर्राष्ट्रिय बजारमा सुन प्रतिऔंस १८ सय ४१ अमेरिकी डलरमा कारोबार भइरहेको छ ।