फ्रेन्च लिग वान फुटबलमा एन्जर्सविरुद्ध पेरिस सेन्ट जर्मेन (पिएसजी) ले सहज जित हात पारेको छ । गएराति सम्पन्न खेलमा पिएसजीले एन्जर्सविरुद्ध २–० को जित हात पारेको हो ।

पिएसजीको जितमा हुगो एकिटिके र लियोनल मेस्सीले एक/एक गोल गरे । खेलको पाँचौं मिनेटमा हुगोले गोल गर्दै पिएसजीलाई सुरुआती अग्रता दिलाएका थिए ।

७२ औं मिनेटमा मेस्सीले गोल गर्दै पिएसजीलाई २–० को सहज जित दिलाए । यो जितसँगै पिएसजीले १८ खेलमा ४७ अंक जोडेको छ ।

ऊ शीर्ष स्थानमा कायमै छ । पुछारमा रहेको एन्जर्सको ८ अंक छ ।