सेयर बजार आज बिहीबार उच्च अंकले घटेको छ । सेयर बजार परिसूचक नेप्से आज ४१ दशमलव शून्य चार अंकले घटेर दुई हजार एक सय ४९ दशमलव ३९ विन्दुमा झरेको हो ।

आज सबै समूहको सेयर घटेकोमा बीमा, उत्पादन, माइक्रोफाइनान्स र जलविद्युत् समूहको सेयर उच्च अंकले ओरालो लागेको छ ।

दुई सय ५२ वटा कम्पनीका एक करोड ४४ लाख ८२ हजार कित्ता शेयर पाँच अर्ब ४७ करोड ७६ लाख रुपैयाँमा कारोबार भएका छन् । समैभन्दा धेरै शिवम् सिमेन्टको २२ करोड र रिडी हाइड्रोको झन्डै १८ करोड रुपैयाँको सेयर किनबेच भएको छ ।