नेकपा एमाले मधेस प्रदेशको संसदीय दलको प्रमुख सचेतकमा प्रदेशसभा सदस्य लखन दास नियुक्त भएका छन् । उनलाई एमाले संसदीय दलका नेता सरोजकुमार यादवले शनिबार प्रमुख सचेतकमा नियुक्त गरेका हुन् । 

दास मंसिर ४ को निर्वाचनमा एमालेबाट धनुषा क्षेत्र नम्बर–२ को (क) प्रदेशसभा सदस्यमा निर्वाचित भएका थिए । संसद्मा पार्टीको धारणा राख्न, कार्यव्यवस्था परामर्श समितिको बैठकमा भाग लिनेलगायत महत्त्वपूर्ण संसदीय गतिविधिमा प्रमुख सचेतक र सचेतकको भूमिका रहने गरेको छ ।