झापाको झापा गाउँपालिका–४ का अमालो मियाँको गोठबाट राँगो चोरेको आरोपमा एकजना पक्राउ परेका छन् ।

चोरीको खबर पाउनासाथ प्रहरीले स्थानीय मानिसको सहयोगमा खोजतलास गर्दै जाँदा नेपाल–भारतको दशगजा सीमा क्षेत्रबाट २२ वर्षीय मोहमद नजिरलाई पक्राउ गरेको हो ।

उनीसहित आजाहार महमद, ईजाहुल हक र गोदा (तत्काल नाम,थर नखुलेको) ले मिलेर राँगो चोरी गरेको पाइएको प्रहरीले जनाएको छ । घटनाबारे थप अनुसन्धान भइरहेको प्रवक्ता वसन्त पाठकले जानकारी दिए ।