सिके राउत नेतृत्वको जनमत पार्टीका मन्त्री अब्दुल खान प्रधानमन्त्री पुष्पकमल दाहाल प्रचण्डले आफूले रोजेको मन्त्रालयको नदिएको भन्दै मंगलबार सपथ लिन गएनन् ।
खानलाई प्रधानमन्त्री प्रचण्डले आफूले सपथ लिएको दिन नै कुनै पनि जिम्मेवारी नतोकी मन्त्री पदको सपथ खुवाएका थिए ।
मंगलबार मन्त्रिपरिषद् विस्तार गर्दा जनमत पार्टीले उद्योग तथा वाणिज्य मन्त्रालय मागे पनि खानलाई खानेपानी मन्त्रीको जिम्मेवारी दिइएको थियो । यसमा असन्तुष्टि जनाउँदै उनी न सपथ कार्यक्रममा सहभागी भए, न कार्यभार नै सम्हालेका छन् ।
तर, विस्तारित मन्त्रिपरिषद्को पहिलो बैठक बुधबार सिंहदरबारमा हुँदा खान त्यो बैठकमा सहभागी भएका छन् ।
राउतको पार्टी जनमतले आफूले मागेको मन्त्रालय नपाएपछि योे सरकारमा रहिरहने वा छोड्ने भन्ने निर्णय गरिसकेको छैन । उसले आफूले रोजेका मन्त्रालय नदिने हो भने आफूलाई दुई मन्त्रालय चाहिने सर्त अगाडि सारेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।