बार्सिलोना स्पेनिस कोपा डेल रे फुटबलको क्वाटरफाइनलमा पुगेको छ । गएराति भएको खेलमा तेस्रो श्रेणीको एडी सेउटालाई ५–० ले हराउँदै बार्सिलोना क्वाटरफाइनलमा पुगेको हो ।

बार्सिलोनाको जितमा रोबर्टो लेवान्डोस्कीले दुई, राफिन्हा, अन्सु फाती र फ्रान्क केस्सीले एक/एक गोल गरे । खेलमा बार्सिलोनाले ४१ औं मिनेटमा राफिन्हाको गोलबाट सुरुआती अग्रता लिएको थियो । 

५० औं मिनेटमा लेवान्डोस्कीले गोल गर्दै बार्सिलोना २–० ले अगाडि बढ्यो । अन्सु फातीले ७० औं मिनेटमा गोल गर्दै बार्सिलोनालाई ३–० को अग्रता दिलाए । 

खेलको ७७ औं मिनेटमा फ्रान्क केस्सीले गोल गर्दै बार्सिलोनाले ४–० को अग्रता बनायो । खेलको ९० औं मिनेटमा लेवान्डोस्कीले गोल गर्दै बार्सिलोनालाई ५–० को फराकिलो जित दिलाए ।