राष्ट्रिय स्वतन्त्र पार्टीले कार्यवाहक सभापतिको जिम्मेवारी डोलप्रसाद अर्याललाई दिएको छ । सर्वोच्च अदालतको आदेशबाट रवि लामिछाने पदमुक्त भएपछि बसेको आकस्मिक बैठकले अर्याललाई यो जिम्मेवारी दिएको हो ।

श्रममन्त्रीसमेत रहेका अर्याल अहिले पार्टीका उपसभापति समेत हुन् । उनी रास्वपाबाट समानुपातिक सांसदसमेत हुन् ।

उनलाई नै रास्वपाले संसदीय दलको नेता पनि चयन गर्ने तयारी गरेको छ ।

आज बसेको आकस्मिक बैठकमा रवि लामिछाने प्रक्रिया पूरा गरेर फेरि राजनीतिमा फर्किने विषयमा पनि छलफल भएको पार्टीका प्रवक्ता डा. मुकुन्द ढकालले बताएका छन् ।