राष्ट्रिय स्वतन्त्र पार्टीका कार्यवाहक सभापति डोलप्रसाद अर्यालले यो देशलाई सम्बृद्धि तिर लग्न र जनतालाई नेपाली हुँ भनेर गर्बको साथ भन्न सक्ने बनाउन मैदानमा उत्रिनु परेको उल्लेख गरेका छन् ।

हिजो रास्वपाले कार्यवाहक सभापतिको जिम्मेवारी अर्याललाई दिएको थियो । सर्वोच्च अदालतको आदेशबाट रवि लामिछाने पदमुक्त भएपछि बसेको आकस्मिक बैठकले अर्याललाई उक्त जिम्मेवारी दिएको हो ।

‘हामी यो देशलाई समृद्धि तिर लग्न र जनतालाई नेपाली हुँ भनेर गर्बको साथ भन्न सक्ने बनाउन मैदानमा उत्रेकाहौ त्यो तपाईं हामिलेनै गर्नुपर्नेछ,’ अर्यालले आज सामाजिक सञ्जालमा लेखेका छन्, ‘स्वदेश तथा विदेश मा रहनुहुने सबै सदस्य र शुभचिन्तकहरुलाई सम्यमभैदिन अनुरोध गर्दछौँ ।’

श्रममन्त्रीसमेत रहेका अर्याल यसअघि पार्टीका उपसभापति समेत हुन् । उनी रास्वपाबाट समानुपातिक सांसदसमेत हुन् । उनलाई नै रास्वपाले संसदीय दलको नेता पनि चयन गरेको छ ।