शुक्रबार सर्वोच्च अदालतको संवैधानिक इजलासले रवि लामिछानेको नागरिकता अवैध ठहर गरेसँगै उनले निकितासँग गरेको कोर्ट म्यारिज पनि बदर भएको छ ।

२०५० सालमा काठमाडौं जिल्ला प्रशासनबाट उनले लिएको नागरिकता २०७० सालमा उनले अमेरिकी नागरिकता लिए पछि बदर भएको सर्वोच्चले ठहर गरेको छ ।

योसँगै उनले सांसद, मन्त्री, संसदीय दलको नेता तथा पार्टी सभापतिको पदसमेत गुमाएका छन् ।

अवैध भएको त्यही नागरिकता प्रयोग गरेर रवि लामिछानेले कोर्ट म्यारिज गरेका थिए । उनले निकितासँग २०७७ साल माघ ८ गते काठमाडौं जिल्ला अदालतमा कोर्ट म्यारिज गरेका थिए ।

कोर्ट म्यारिज बदर भएर निकितासँगको कानुनी सम्बन्ध शून्यमा परिणत भए पनि उनीहरुको सामाजिक र साँस्कृतिक सम्बन्ध भने कायम रहन्छ । कानुनी रुपमा विवाह कायम गराउन उनले नेपाली नागरिकता पुनःप्राप्ति गरेर फेरि काठमाडौँ जिल्ला अदादतमा निवेदन दिनुपर्छ ।