सत्तारुढ नेकपा माओवादी केन्द्रको स्थायी कमिटी बैठक आज पनि स्थगित भएको छ । आज दिउँसो ३ बजेका लागि बोलाइएको बैठक शनिबार १ बजेसम्मका लागि स्थगित गरिएको हो ।
प्रधानमन्त्री तथा पार्टी अध्यक्ष पुष्पकमल दाहाल प्रचण्डको व्यस्थताका कारण बैठक सारिएको माओवादी केन्द्रीय कार्यालयका सचिव डोरप्रसाद उपाध्यायले जानकारी दिए ।
बिहीबार बोलाइएको बैठक एजेन्डामै प्रवेश नगरी स्थगित भएको थियो । १२ माघदेखि सुरु भएको स्थायी कमिटी बैठक पटक–पटक बस्दै र सर्दै आएको छ ।
आज बस्ने बैठकमा पार्टी एकता, नेताहरूको कार्यविभाजनलगायतका विषयमा निर्णय लिने कार्यसूची थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।