स्पेनिस ला लिगामा बार्सिलोनाले सहज जित हात पारेको छ । गएराति सम्पन्न खेलमा उसले सेभियाविरुद्ध ३–० को सहज जित हात पारेको हो । बार्सिलोनाको जितमा जोर्डी अल्बा, गाभी र राफिन्हाले एक/एक गोल गरे ।  

यो जितसँगै शीर्ष स्थानको बार्सिलोनाले आठ अंकको अग्रता लिएको छ । पराजित सेभिया २१ अंकका साथ १६ औं स्थानमा छ । अर्को खेलमा दोस्रो स्थानमा रहेको रियल म्याड्रिड रियल मार्लोकासँग १–० ले पराजित भयो ।

रियलको हारले बार्सिलोनालाई फाइदा भएको छ । अब बार्सिलोनाको ५३ र रियलको ४५ अंक छ । आइतबारका अन्य खेलमा गिरोनाले भ्यालेन्सियालाई १–० र रियल भालाडोलिडले रियल सोसिडाडलाई १–० ले हरायो ।