जुम्लामा एक घरमा आगलागी हुँदा जलेर एक किशोरीको मृत्यु भएको छ । जिल्लाको चन्दनाथ नगरपालिका–१ ठिन्के निवासी लोकबहादुर भण्डारीको घर आगालागी हुँदा १४ वर्षीया छोरी बन्दना भण्डारीको जलेर मृत्यु भएको हो । 

आइतबार राति करिब साढे १० बजेतिर भएको आगलागीबाट तीन कोठे घर पूर्णरूपमा क्षति भएको जिल्ला प्रहरी कार्यालयका प्रहरी निरीक्षक धर्मराज जोशीले जानकारी दिए ।

तीन तले घरमा भण्डारीकी सासू, श्रीमतीसहित सातजना सुतेका थिए । आगलागी भएपछि अरू  घर बाहिर निस्कन सफल भएको तर ती बालिका तेस्रो तलमा भएका कारण निस्कन नपाई जलेकी थिइन् । 

घरको दोस्रो तलाबाट आगलागी भएको प्रहरी जनाएको छ ।