काठमाडाैं- केही समययता चर्चामा नरहेका पूर्वराजा ज्ञानेन्द्र शाहले फेरि एकपटक विज्ञप्तिमार्फत् देशप्रति आफ्नाे चासाे बाहिर ल्याएर चर्चामा आउने भएका छन् । ६९ ‌औं प्रजातन्त्र दिवसकाे अवसर पारेर शाहले आम जनताले प्रजातन्त्रकाे अनुभूति गर्न नपाएकाे दाबी गर्दै विज्ञप्ति निकालेका छन् ।

उनले आफूले केही समयअघि गरेकाे देश भ्रमणमा जनताले हित, सुरक्षा तथा विकासकाे अनुभूति गर्न नपाएकाे आफूले महसुस गरेकाे बताएका छन् । 

‘हामी र हाम्रा पूर्खाहरुको पुख्र्यौली आदर्श प्रजातन्त्र हो । सबै अटाउने प्रणाली, सबैको आस्थाको केन्द्र राष्ट्र बन्न नसकेसम्म प्रजातन्त्रले मूर्तरुप लिन सक्दैन । जनताको हित, सूरक्षा र विकासको मूलभुत साधन प्रजातन्त्र नै हो,’ शाहकाे विज्ञप्तिमा उल्लेख छ । 

पछिल्लाे समय आम नागरिकमा हिनताबाेध विकास भएकाे, देश छाडेर विदेशिने माेह पलाएकाे, देशप्रतिकाे निष्ठामा कमी आएकाले देश झन् कमजाेर बनेकाे प्रतिक्रिया दिएका छन् ।

उनले पछिल्लो समयमा मुलुकको राष्ट्रियता समेत निकै कमजोर स्थितिमा पुगेको दाबी गर्दै सनातनिक धर्म, संस्कृति र आफ्नै मौलिक आदर्श र मान्यता समेत धर्मान्तरको प्रक्रियाबाट आक्रान्त भएको कहालिलाग्दो दुःखद अवस्था देखापरेको बताएका छन् ।

आज प्रजातन्त्र दिवस देशका विभिन्न ठाउँमा विभन्न कार्यक्रम गरेर मनाइँदै छ ।