पेट्रोलियम डिलर्स एसोसिएसन जनकपुरधामको नयाँ कार्यसमितिको चयन विधान संशोधन भएपछि मात्रै गरिने सहमति भएको छ । १५औँ साधारणसभाको बन्द सत्रमा दुईपक्षबीच विवाद उत्पन्न भएके थियो । 

विधान संशोधन नभएसम्मका लागि वर्तमान कार्यसमिति नै यथावत् रहने निर्वाचन अधिकृत राजनप्रसाद दाहालले जानकारी दिएका हुन् । विधान संशोधनका लागि इन्जिनयर रत्नकुमार पूर्वेको संयोजकत्वमा ३ सदस्यीय विधान संसोधन समिति गठन गरिएको उनले बताए । 

समितिको सदस्यमा एसोसिएनका केन्द्रीय सदस्य बजरंगप्रसाद साह र माँ जानकी यातायात बस व्यवसायी संघका अध्यक्ष मनोज चौधरी सदस्य रहेको अधिकृत दाहालले बताए ।