टर्कीमा पुन: शक्तिशाली भूकम्प गएको छ । टर्कीको सरकारी समाचार संस्था अनादलुका अनुसार देशको दक्षिणी क्षेत्रमा सोमबार राति ६ दशमलव ४ म्याग्निच्युडको भूकम्प गएको हो । 

नयाँ भूकम्पमा परी अहिलेसम्म तीन जनाको मृत्यु भएको छ । भूकम्पको सिरियामा पनि प्रभाव परेको छ । दुई देशमा गरी ६ सयभन्दा धेरै व्यक्ति घाइते भएका छन् ।

केही दिनअघि मात्र सोही क्षेत्रलाई केन्द्रविन्दु बनाएर ७ दशमलव ८ म्याग्निच्युडको शक्तिशाली भूकम्प जाँदा ४४ हजारभन्दा धेरैको मृत्यु भएको थियो ।

सो भूकम्पको उद्धार र राहतको कार्य नसकिँदै फेरि अर्को भूकम्प गएपछि टर्कीमा थप समस्या भएको छ ।