नेपाल प्रज्ञा प्रतिष्ठानले दोहोरो पारिश्रमिक, सुविधा पाइरहेका आजीवन सदस्यलाई मासिक पारिश्रमिक नदिने निर्णय गरेको छ । 

यसअघि प्रज्ञाका तत्कालीन उपकुलपति जगमान गुरुङ नेतृत्वको समितिले पूर्वकुलपतिलगायत आजीवन सदस्यहरुलाई मासिक पारिश्रमिक दिने निर्णय गरेको थियो । वर्तमान कुलपति भूपाल राई नेतृत्वको समितिले उक्त निर्णयमा संशोधन गरेको हो । 

नेपाल प्रज्ञा प्रतिष्ठानले पत्रकार सम्मेलन गर्दै अन्य सरकारी सुविधा लिइरहेका आजीवन सदस्यको पारिश्रमिक कटौती गरेको हो । यस विषयमा घनेन्द्र ओझाले सर्वोच्च अदालतमा रिट दायर गरेका थिए । उक्त मुद्दा अदालतमा विचाराधीन रहेकै अवस्थामा प्रज्ञा प्रतिष्ठानको यस्तो निर्णय आएको हो ।

प्रतिष्ठानले कुलपति, उपकुलपति तथा प्राज्ञहरुको कार्यविभाजन पनि गरेको छ । 

विज्ञप्ति