शनिबार फेवातालमा डुंगा पल्टिँदा एकजनाको ज्यान गएको छ । हावाहुरीका कारण डुंगा पल्टिएर घाइते एक महिलाको उपचारका क्रममा निधन भएको हो ।
पोखरा १ बगरकी ७० वर्षीया याममाया गिरीको उपचारका क्रममा ज्यान गएको प्रहरीले जनाएको छ ।
शनिबार साढे ४ बजेतिर चलेको हावाहुरीले गर्दा उहाँ चढेको डुंगा पल्टिएपछि सशस्त्र प्रहरीको टोलीले उनको उद्धार गरेको थियो । घाइतेको उद्धारपछि उपचारको लागि गण्डकी मेडिकल कलेज लगिएको र उपचारकै क्रममा ज्यान गएको कास्कीका प्रहरी प्रवक्ता डिएसपी श्रवण विक बताए ।
आजै फेवातालमा हावाहुरीले गर्दा अर्को एउटा डुंगा पनि पल्टिएको थियो । त्यसमा रहेका चारजना युवाको सकुशल उद्धार गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।