रुसी राष्ट्रपति र इरानी राष्ट्रपतिबीच फोनवार्ता भएको छ । उनीहरूका बीचमा सोमबार फोनमा वार्ता भएको इरानको राजधानी तेहरानबाट प्राप्त भएको समाचारमा जनाइएको छ । 

सो समाचारअनुसार रुसी राष्ट्रपति पुटिन र इरानी राष्ट्रपति राइसीबीचमा सोमबार फोनमा वार्ता भएको हो । उनीहरूका बीचमा सो अवसरमा दुई देशका बीचको आपसी सम्बन्धका साथै आर्थिक सहयोग र समन्वयका बीचमा कुराकानी भएको थियो । ​ 

इरानका राष्ट्रपतिको कार्यालयको वेबसाइटमा दिइएअनुसार सो वार्तामा आर्थिक सहयोगका क्षेत्रहरूका साथै त्यसलाई के कसरी आगामी दिनमा थप विस्तार गरी अन्तर्राष्ट्रिय व्यापार प्रवर्द्धनमा सहजीकरण गर्ने विषयमा कुराकानी भएको थियो ।

आर्थिक क्षेत्रमा भइरहेका सहयोग आदानप्रदान र लगानीका क्षेत्रलाई आगामी दिनमा थप विस्तार कसरी गर्ने भन्ने बारेमा कुराकानी भएको सो वेबसाइटमा जनाइएको छ । 

वार्ता खासगरी लगानीका क्षेत्रमा केन्द्रित रहेको र दुई देशका बीचको व्यापार र अन्तर्राष्ट्रिय व्यापार पारवहन लगायतका आर्थिक विषयमा केन्द्रित रहेको सो सूचनामा जनाइएको छ ।