नेपाली बजारमा बुधबार सुनचाँदीको मूल्य घटेको छ । आज छापावाल सुन प्रतितोला १ हजार र चाँदी ४० रुपैयाँ घटेको हो ।

योसँगै बुधबार छापावाल सुनको मूल्य प्रतितोला १ लाख १ हजार ५ सय रुपैयाँ कायम भएको छ । मंगलबार सुनको मूल्य १ लाख २ हजार ५ सय रुपैयाँमा कारोबार भएको थियो ।

यस्तै, तेजावी सुनको मूल्य तोलाको १ लाख १ हजार रुपैयाँ निर्धारण भएको नेपाल सुनचाँदी व्यवसायी महासंघले जनाएको छ ।  

आज चाँदीको मूल्य ४० रुपैयाँले घटेर प्रतितोला १ हजार २ सय २५ रुपैयाँमा कारोबार भइरहेको छ ।