म्यानचेस्टर युनाइटेड युरोपा लिगको क्वाटरफाइनलमा प्रवेश गरेको छ । गएराति भएको खेलमा रियल बेटिसलाई १–० ले हराउँदै युनाइटेड समग्रमा ५–१ को जित निकाल्दै क्वाटरफाइनलमा प्रवेश गरेको हो ।  

बिहीबार रातिको खेलमा युनाइटेडको जितमा मार्कोस रासफोर्डले निर्णायक गोल गरे । उनले खेलको ५५ औं मिनेटमा क्यासमिरोको पासलाई सदुपयोग गर्दै गोल गरेका थिए । 

गत हप्ता भएको पहिलो लेगको खेलमा युनाइटेडले ५–१ को सानदार जित निकालेको थियो । युनाईटेडले युरोपा लिगमा अन्तिम ८ मा स्थान बनाउँदा अर्को इङ्लिस क्लब आर्सनल भने प्रतियोगिताबाट बाहिरिएको छ ।  

दोस्रो लेगको खेलमा दुवै टिमले १–१ को गोलको बराबरी खेलेपछि नतिजा समग्रमा ३–३ को निस्किएको थियो । पेनाल्टी सुटआउटमार्फत भएको खेलको निर्णयमा आर्सनल ५–३ गोल अन्तरले पराजित भयो । 

प्रतियोगिताको क्वार्टरफाइनल ड्र आज हुँदैछ ।