नेपाली बजारमा आज सुनचाँदीको मूल्य बढेको छ । बुधबार प्रतितोला २ हजार रूपैयाँले घटेको सुनको मूल्य बिहीबार एक हजार २ सय रूपैयाँले बढेको छ । 

बुधबार प्रतितोला १ लाख ७ हजार ८०० रुपैयाँमा कारोबार  भएको छापावाल सुन बिहीबार एक लाख ९ हजार रूपैयाँमा कारोबार भइरहेको छ । 

नेपाल सुनचाँदी व्यवसायी महासंघका अनुसार बिहीबारको लागि तेजावी सुन प्रतितोला एक लाख ८ हजार पाँच सय रूपैयाँ कायम भएको हो ।

चाँदीको मूल्य पनि बढेको छ । आज चाँदी प्रतितोला २५ रूपैयाँ बढेर एक हजार ३६० रूपैयाँका कारोबार भइरहेको छ । बुधबार चाँदी प्रतितोला एक हजार ३३५ रूपैयाँमा कारोबार भएको थियो ।