भारतमा राहुल गान्धीको सांसद पद खारेज भएको छ । चार वर्ष पुरानो मानहानीको घटनालाई लिएर कंग्रेस नेता राहुल गान्धीविरुद्ध भएको सजायको एक दिनपछि शुक्रबार उनको लोकसभाको सदस्यता रद्द गरिएको हो ।

यसअघि राहुल गान्धीलाई चार वर्ष पुरानो आपराधिक मानहानि मुद्दामा अदालतले दुई वर्षको जेल सजाय सुनाएको थियो। अदालतले गान्धीलाई १५ हजार जरिवाना पनि तोकेको छ । तर उनलाई फैसलाविरुद्ध अदालतमा अपिल गर्नका लागि एक महिनाको समय दिइएको छ ।

सन् २०१९ मा गान्धीले मोदी थरलाई लिएर एउटा टिप्पणी गरेका थिए ।