युरो २०२४ को छनोट खेलमा स्पेनले नर्वेलाई ३–० ले हराएको छ । गएराति सम्पन्न खेलमा स्पेनको जितमा जोसेलुले दुई र ड्यानी ओल्मोले एक गोल गरे ।
स्टेडियो ला रोसालेडा मालगामा भएको खेलमा १३औँ मिनेटमा ड्यानी ओल्मोले स्पेनलाई सुरुआती अग्रता दिलाए । उनले एलेक्स बाल्डेको पासमा गोल गर्न सफल भए । त्यसपछिको दुई गोल परिवर्तित खेलाडी जोसेलुको नाममा रह्यो ।
८१औँ मिनेटमा कप्तान अल्भारो मोराटाको स्थानमा मैदान छिरेका जोसेलुले दुई मिनेटको अन्तरमा दुई गोल गर्दै स्पेनलाई ३–० को सानदार जित दिलाए ।
उनले ८४औँ र ८५औँ मिनेटमा गोल गरे । ३२ वर्षीय जोसेलुको यो डेब्यु खेल हो । यो जितसँगै समूह ‘ए’ रहेको स्पेनले युरो छनोटमा ३ अंक जोडेको छ । नर्वे भने अंकविहीन छ ।
यही समूहको अर्को खेलमा स्कटल्याण्डले साइप्रसलाई ३–० ले हरायो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।