साविक विजेता एपिएफ क्लब विराटनगरमा जारी विराट गोल्डकप फुटबल प्रतियोगिताको सेमिफाइनलमा प्रवेश गरेको छ ।

गएराति सहिद रंगशालामा सम्पन्न खेलमा भुटानको ड्रुक लुयल फुटबल क्लबलाई २–१ गोलअन्तरले हराउँदै एपिएफ सेमिफाइनलमा प्रवेश गरेको हो । 

निर्धारित समयसम्म एक–एक गोलको बराबरीमा रहेको खेलमा एपिएफले दोस्रो हाफको अतिरिक्त समयमा पेनाल्टीमार्फत गोल गरी २–१ को अग्रता बनाउँदै जित निकाल्यो ।

खेलमा निर्णायक गोल गरेका बेडुम ‘प्लेयर अफ दि म्याच’ हुँदै नगद ११ हजार रुपैयाँ पुरस्कार प्राप्त गरे । प्रतियोगिताको विजेताले २० लाख १५ हजार रुपैयाँ र उपविजेता टिमले १० लाख २५ हजार रुपैयाँ नगद राशि प्राप्त गर्नेछन् ।