बलिउड अभिनेता सलमान खानलाई इमेलमार्फत धम्की दिने एकजना आरोपितलाई पक्राउ परेका छन् । 

सलमान खानलाई केहीअघि पनि इमेलमार्फत धम्की दिइएको थियो । इमेलमा भनिएको थियो– ‘तिम्रो हालत पनि सिद्धू मूसेवालाको जस्तै हुनेछ ।’

सलमानलाई यो धम्की एक–दुई दिनअघि दिइएको थियो । धम्कीपछि उनको घरको बाहिर सुरक्षा व्यवस्था कडा बनाइएको थियो ।

मुम्बई प्रहरीले राजस्थान प्रहरीसँग मिलेर गरेको ज्वाइन्ट अपरेसनमा जोधपुरबाट २१ वर्षीय राम विश्नोई गिरफ्तार भएका हुन् । मुम्बई प्रहरीको अनुसन्धानपछि आरोपितलाई पञ्जाब प्रहरीसमक्ष सुम्पिइनेछ ।