नेकपा एकीकृत समाजवादी पार्टीले मन्त्रालयको भागबन्डामा सहमति भएपछि मात्र मन्त्री बन्नेहरूको नाम टुंगो लगाउने भएको छ ।  

आज बसेको केन्द्रीय सचिवालय बैठकले मन्त्रालय बाँडफाँटको अन्तिम टुंगो लागेपछि मात्र मन्त्री बन्नेको नाम टुंग्याउने निर्णय गरिएको प्रवक्ता जगन्नाथ खतिवडाले जानकारी दिए । 

‘हामीले यो वा त्यो मन्त्रालय भनेका छैनौँ, तीनवटा मन्त्रालय चाहियो भनेका छौँ,’ खतिवडाले भने, ‘अहिलेसम्म मन्त्रालयको भागबन्डा मिलिसकेको छैन, भागबन्डा मिलेपछि प्रधानमन्त्रीले नाम माग्नेबित्तिकै दिने गरी हामी तयारी अवस्थामा छौँ ।’   

समाजवादीले तीन मन्त्रालय मागे पनि प्रधानमन्त्री पुष्पकमल दाहाल प्रचण्ड भने दुईवटा मन्त्रालय दिने तयारीमा छन् ।