मधेस प्रदेश सरकारले मिटरब्याज पीडितको आन्दोलनमा आफ्नो समर्थन रहेको जनाएको छ । मुख्यमन्त्री सरोजकुमार यादवले बुधबार बिहान एक विज्ञप्ति जारी गर्दै ‘तपाईँको आँसुको हरेक थोपामा हाम्रो साथ छ ’ भनेका छन् । 

‘पैदल हिँडेर काठमाडौं पुग्नुभएका र काठमाडौं पुग्न नसकी घरमै उकुसमुकुस पर्नुभएका मिटरब्याज पीडित हाम्रा दाजुभाइ दिदी बहिनीहरूको समस्याप्रति हामी गम्भीर छौँ ’ उनले भनेका छन्, ‘तपाईँको हरेक पाइलामा हाम्रो साथ छ, तपाईँको आँसुको हरेक थोपामा हाम्रो पनि सरोकार र दायित्व छ । हामी जिम्मेवारीबाट भाग्न सक्दैनौँ, भाग्दैनौँ पनि ।’