नेकपा एकीकृत समाजवादीले दुईजना केन्द्रीय नेताले दिएको राजीनामा स्वीकृत गरेको छ । 

बैठकले उपाध्यक्ष केदार न्यौपाने र स्थायी कमिटी सदस्य चूणामणि जंगलीले दिएको राजीनामा स्वीकृत गरेको पार्टी प्रवक्ता जगन्नाथ खतिवडाले बताए । 

बुधबार अपराह्न बसेको सो पार्टीको आकस्मिक सचिवालय बैठकले पार्टी परित्यागको घोषणा गरेका दुईजना केन्द्रीय नेताको राजीनामा स्वीकृत गरेको हो । 

बैठकले मिटरब्याज पीडितले गरेको आन्दोलनको समर्थन गर्दै उनीहरुको माग तत्काल सम्बोधन गर्न सरकारसँग आग्रह पनि गरेको छ ।