प्रधानमन्त्री पुष्पकमल दाहाल प्रचण्डले नयाँ मन्त्रीले आजै पद तथा गोपनीयताको शपथ लिने सम्भावना रहेको बताएका छन् ।
बिहीबार चितवनस्थित भरतपुर विमानस्थलको नयाँ टर्मिनल भवन उद्घाटन गर्दै प्रधानमन्त्री प्रचण्डले आजै मन्त्रिमण्डल विस्तार गरेर शपथ गराउने सम्भावना रहेको बताएका हुन् ।
‘सकेसम्म यहाँबाट १ बजे फर्केर जाने र आजै मन्त्रिमण्डल विस्तार गरेर शपथ ग्रहण गराउने मेरो लक्ष्य छ’, उनले भने, ‘यदि आज सकिएन भने पनि भोलि बिहान होला, काम त हाम्रो सकिएको छ ।’
प्रधानमन्त्री प्रचण्डले एक/दुईवटा मन्त्रालय मात्र मिलाउन बाँकी रहेको पनि बताए । उनले अब नेपालको राजनीतिक स्थायित्वले नयाँ आधार प्राप्त गर्ने पनि दाबी गरे ।
‘मलाई विश्वास छ अब राजनीतिक स्थायित्वले पनि अब नयाँ आधार प्राप्त गर्नेछ, मेरो चरित्र र विशेषता भनेको सबैलाई मिलाएर जाने नै हो त्यसका लागि म पूरै तागत लगाउँछु,’ प्रधानमन्त्री प्रचण्डले भने ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।