भारतको मध्य प्रदेशको इन्दौरमा एक मन्दिरको छत भत्किँदा १३ जनाको मृत्यु भएको छ । रामनवमी पर्वको अवसरमा लागिरहेको मेलामा अत्यधिक भिडका कारण मन्दिरको छत भत्किँदा १३ जनाको मृत्यु भएको हो ।  

मन्दिरको छत भत्किँदा १० महिलासहित १३ जनाको मृत्यु भएको मध्य प्रदेशका गृहमन्त्री नरोत्तम मिश्रले जनाएका छन् । उनका अनुसार अहिलेसम्म १९ जनालाई उद्धार गरेर अस्पताल पठाइएको छ ।

रामनवमी मनाउन मन्दिरमा मानिस जम्मा भएका थिए, त्यही समयमा मन्दिरमा रहेको छाना खसेको थियो ।