सामाजिक सञ्जाल ट्विटरको लोगो परिवर्तन गरिएको छ । ट्विटरका सिइओ एलन मस्कले नयाँ लोगोमा निलो चराको ठाउँमा कुकुरको चित्र राखेका हुन् ।  

मस्कले क्रिप्टोकरेन्सी डोजेक्वाइनमा रहेको कुकुर अर्थात् डगीको मिमलाई नै ट्विटरको लोगो बनाएका हुन् ।  

अब ट्विटरमा लगअन गर्ने बित्तिकै त्यही कुकुरको चित्रले तपाईँलाई स्वागत गर्नेछ । साथै ट्विटर होमपेजको माथिल्लो बायाँपट्टि रहेको लोगोमा पनि शिवा तथा काबोसु नामक उक्त कुकुरको चित्र नै देखिन थालेको छ ।