फिल्म ‘काँडेतार’को शीर्ष गीत सार्वजनिक भएको छ । फिल्मले सीमा संरक्षणको सन्देश दिने कथावस्तु बोकेको बताइएको छ । 

नयाँ वर्षको अवसर पारेर सार्वजनिक गीतमा नवल खड्का, सुरविना कार्कीलगायत कलाकारको अभिनय छ । गीतले राष्ट्रिय हितको पक्षमा उभिन आह्वान समेत गरेको छ । 

सत्यकला राई, राजेशपायल राई र जे पापीको स्वर तथा संगीत मणि थापाले दिएको गीतमा गौरव पहारी, रेविका गुरुङ, प्रशान्त यादव, मुरलीधरण, प्रेम सुब्बा, सञ्जल खतिवडा, रोमियान लिम्बु, पुष्पा श्रेष्ठ, रवि शाहलगायतको अभिनय छ । 

मिलन कान्छा किराँतीका शब्द रहेको फिल्मको कथा अभिनेता तथा निर्माता खड्काले लेखेका हुन् । माकिको राई र अन्जु केसी निर्मित गीतको कार्यकारी निर्मातामा गायिका समेत रहेकी सत्यकला राई छिन् ।