इंग्लिस क्लब म्यानचेस्टर युनाइटेड युरोपा लिगबाट बाहिरिएको छ । गएराति सम्पन्न क्वाटरफाइनलमा स्पेनिस क्लब सेभियासँग ३–० को हार बेहोर्दै युनाइटेड लिगबाट बाहिरिएको हो ।  

ऊ सेभियाविरुद्ध समग्रमा ५–२ ले पराजित भयो । घरेलु मैदानमा भएको पहिलो लेग २–२ को बराबरीमा सकिएको थियो । सो खेलमा युनाइटेड २ गोलको अग्रता पाउँदा पनि बराबरीमा रोकिएको थियो । 

दोस्रो लेगमा पनि युनाइटेडको प्रदर्शन खराब रह्यो । घरेलु क्लब सेभियाको जितमा युसुफ एन नेस्रीले २ र लोइक बेडले १ गोल गरे । सेभियाले अब सेमिफाइनलमा इटालियन क्लब युभेन्ट्सको सानमा गर्नेछ ।

युभेन्ट्सले पोर्चुगिज क्लब स्पोर्टिङ सिएफविरुद्ध समग्रमा २–१ को जित निकाल्दै सेमिफाइनलको यात्रा गर्‍यो । पहिलो लेगमा १–० को जित निकालेको उसले दोस्रो लेगमा १–१ को बराबरी खेल्यो ।