logo-img

विद्युत आपूर्तिमा देखिएको समस्या १५ दिनमा समाधान हुन्छः प्रबन्ध निर्देशक घिसिङ

विद्युत प्राधिकरणका प्रबन्ध निर्देशक कुलमान घिसिङले सुख्खा यामका कारण उत्पादन घट्दा मागको अनुपातमा विद्युत् आपूर्तिमा समस्या आएको बताएका छन् ।

आइतबार प्राधिकरणमा पत्रकार सम्मेलन गर्दै उनले सुक्खायामका कारण उत्पादन घट्दा मागको अनुपातमा विद्युत आपूर्तिमा समस्या आएको बताए । 



पूर्वका उद्योगी व्यवसायीले ४ दिनदेखि विद्युत् कटौती गरेर लोडसेडिङ गरेको बताए पनि लोडसेडिङ नभएको उनले दाबी गरे । उनले उत्पादन घट्दा मागको अनुपातमा विद्युत आपूर्तिमा कमी भएको कारण विद्युत कटौती गरेको स्वीकार गरे । 

प्रबन्ध घिसिङले विराटनगर ओद्योगिक क्षेत्रमा विद्युत आपूर्तिमा प्राविधिक समस्या आएकाले ४ दिन विद्युत लोड कटौती भएको बताए । 

सुक्खायाममा माग अनुसार उत्पादन नहुने भन्दै अझ गत वर्षको भन्दा यो वर्ष राम्रो अवस्थामा प्राधिकरण रहेको बताए । गत वर्ष धेरै अफ्ट्यारो अवस्थामा विद्युत आपूर्ति गरेको भन्दै उनले विराटनगर औद्योगिक करिडोरमा देखिएको समस्या तत्काल समाधान हुने बताए । अहिले उत्पादन घटेको भन्दै प्राधिकरणले अधिकांश औद्योगिक क्षेत्रको लोड कटौती गरेको बताए । 

नेपालको कुल जडित क्षमता करिब २५०० मेगावाट पुगेको बताउँदै उनले स्थानीय माग धान्नका लागि ५०० मेगावाट विद्युत भारतबाट आयात भइरहेको बताए । पछिल्लो समय ५०० मेगावाट औद्योगिक लोड थपिएको भन्दै प्राधिकरणले माग गर्ने सबै उद्योगहरुको लोड स्वीकृत गर्ने गरेको उनले बताए । 



विद्युतको माग पूरा गर्नका लागि कुलेखानी जलाशययुक्त जलविद्युत आयोजना २४ सै घण्टा चलाइरहेको बताउँदै उनले बिहान बेलुकी पिक आवरमा भने दिन नसकिएको स्वीकार गरे ।



  • प्रकाशित मिति : वैशाख १०, २०८० आइतबार १७:३६:२७

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया