एसिसी प्रिमियर कपको समूह चरणको अन्तिम खेलमा कतारविरुद्ध नेपालले सातौँ विकेट लिएको छ । कतारको सातौँ विकेट स्पिनर ललितनारायण राजवंशीले लिए । उनले २०.२ ओभरमा अमिर फारुकलाई १४ रनमा आउट गरे ।

नेपालका लागि छैटौँ तथा व्यक्ति दोस्रो विकेट लिनेक्रममा सन्दीप लामिछानेले १२.४ ओभरमा कप्तान मोहम्मद रिजलानलाई ४ रनमा आउट गरे । सोमपालले टिमलाई पाँचौं सफलता दिलाउनेक्रममा इक्रामुल्लाह खानलाई ५ रनमा आउट गरे । 

भीमको सानदार फिल्डिङको मद्दतमा नेपाललाई पाँचौं सफलता मिल्यो । कतारको चौथो विकेट पनि सोमपाल नै लिए । उनले ९.४ ओभरमा मोहम्मद तनवीरलाई शून्यमै गुमाएको हो । 

कतारले तेस्रो विकेटको रूपमा ओपनर जहीर इब्राहिमलाई १५ रनमा गुमायो । उनलाई सन्दीपले ८.३ ओभरमा पवेलियनको बाटो देखाए । कतारले दोस्रो विकेट सोमपालले लिए । उनले विकेटकिपर इमल लियानागेलाई ८ रनमा बोल्ड गरेका हुन् । 

नेपाललाई पहिलो सफलता दिलाउनेक्रममा ललितनारायण राजवंशीले दोस्रो ओभरको दोस्रो बलमा कतारका ओपनिङ ब्याटर कमरन खानलाई ८ रनमा क्याच आउट गराए । 

त्यसअघि कीर्तिपुरस्थित त्रिवि मैदानमा टस हारेर ब्याटिङको निम्तो पाएको नेपाल ४०.३ ओभरमा १ सय ५७ रनमा अलआउट भएको हो । नेपालका लागि सन्दीप लामिछानेले ५८ बलमा ६ चौकासहित अविजित ४२ रन बनाए । त्यस्तै, कप्तान रोहित पौडेलले २७, आसिफ शेखले १९, दीपेन्द्र सिंह ऐरीले १२, आरिफ शेख र सोमपाल कामीले ११/११ रन जोडे । 

बाँकी ब्याटरले भने दोहोरो अंकमा समेत रन जोड्न सकेनन् । कतारका लागि अमिर फारुकले ४, क्वेस अहमदले ३, गयान मुनीवराले २ र इक्रामुल्लाह खानले १ विकेट लिए ।